Tuloy ang infrastructure projects sa Dagupan na nirequest ni Mayor Belen Fernandez mula sa mga ahensya at nasyonal na gobyerno.
Isa dito ang P20 Million pondo mula sa tanggapan ni Sen. Francisco Tolentino para sa gagawing upgrading of PCC Pavement and Drainage System sa Don Jose Calimlim Road (Callejon St.) sa Brgy. Pogo Chico.
Sa naganap na meeting nina Mayor Belen kasama ang DPWH Region 1 Planning Section nitong Miyerkules (January 25) kanilang ipinahayag na dumating na ang naturang pondo at inihahanda na program of works and detailed estimate para masimulan ito.
Kasama ang City Engineering Office, tinungo na rin ni Mayor Belen at DPWH ang lugar para sa site inspection at pag validate sa proposed project.
Ayon kay Mayor Belen, isa ang Brgy. Pogo Chico sa mga grabeng naaapektuhan ng pagbaha tuwing bagyo o tag-ulan.
Inaasahan aniya na maiibsan nito ang pagbaha sa lugar pagkatapos ng proyekto.
