Opisyal na sinimulan ng Dagupan City ang Children’s Month kung saan kasiyahan at katuwaan ang handog ng Pamahalaang Lungsod para sa mga daycare learners na ginanap sa CSI Stadia ngayong Lunes ng hapon, Nobyrembre 3.
Tampok dito ang Mascot Parade Show na mainit sinalubong ng mga batang mag-aaral. Bukod rito ay isinagawa rin ang short story telling na pinangasiwaan ng Sangguniang Kabataan Federation.
Para paigtingin ang kamalayan ng kabataan laban sa anumang uri ng abuso, isinagawa rin ang lecture tungkol sa Good Touch vs. Bad Touch, sa ilalim ni OPLAN B.I.D.A: “Batang Iwas sa Dahas at Abuso”, na pinangunahan ng Teen Center at City Population and Development Office.
Buong suporta ang ibinigay ng Team Unliserbisyo, sa pangunguna ni Mayor Belen T. Fernandez at Vice Mayor Dean Bryan Kua, kasama ang mga konsehales na sina Michael Fernandez, Atty. Joey Tamayo, Tala Paras, Jigs Seen, Engr. Karlos Reyna, Danee Canto, Dra. Jaja Cayabyab, Marcelino Fernandez at Bradley Benavides.
Binigyang-diin ng alkalde ang kahalagahan na mabigyan ng pantay-pantay na oportunidad ang mga kabataan.
“As we continue to say in Dagupan, PAMILYA ANG PUSO NG PROGRESO. And this program is proof that when we invest in our children, we invest in a brighter future for all,” ani Mayor Belen.
Matagumpay na naisagawa ng pamahalaan ang aktibidad katuwang ang City Social Welfare and Development Office. Kasama rin sa partisipasyon ang mga guro at magulang ng mga mag-aaral.
https://www.facebook.com/reel/1514374463240998
