Category: 2025 City Fiesta

Matatag at malinaw ang paninindigan ng Pamahalaang Lungsod ng Dagupan. ZERO CASUALTY. Sa ilalim ng temang “Buhay ay Ingatan, Paputok ay Iwasan,” opisyal na inilunsad ngayong umaga, December 23, sa City Plaza ang Iwas Paputok at Ligtas Christmas 2025 Campaign, na naglalayong tiyakin ang kaligtasan ng bawat pamilyang Dagupeño ngayong Kapaskuhan at pagpasok ng Bagong Taon.

Sa halip na mga mapanganib at nakakadisgrasyang paputok, mariing isinusulong ng lungsod ang paggamit ng torotot at iba pang ligtas na alternatibong pampaingay bilang simbolo ng responsableng pagdiriwang. Layunin nitong maiwasan ang anumang uri ng pinsala, aksidente, at trahedya, lalo na sa mga bata at pamilya.

Nagkaisa ang mga lokal na opisyal at kinatawan ng mga national agencies, sa pangunguna ni Mayor Belen T. Fernandez, sa pamamagitan ng pagpirma sa commitment wall, bilang malinaw na paninindigan sa layuning Zero Casualty sa buong lungsod.

“Sa pamamagitan ng paglagda natin sa kasunduang ito, ipinapakita natin na ang adbokasiyang ito ay may malinaw na pananagutan. Ang bawat pirma ay pangako. Pangako na uunahin ang buhay. Pangako na ipatutupad ang disiplina. Pangako na hindi tayo papayag na may masaktan, mawalan, o mapahamak. Hindi ito pakiusap lamang. Ito ay pananagutan,” mariing pahayag ni Mayor Belen.

Kabilang sa mga dumalo sa aktibidad sina Vice Mayor Dean Bryan “BK” Kua, new majority councilors Michael Fernandez, Atty. Joey Tamayo, Danee Canto, Dra. Jaja Cayabyab, at Bradley Benavides, gayundin sina Dr. Ashok Vasandani, Plt. Col. Orly Pagaduan, Police Lieutenant Colonel Edgar Palaylay, FCINSP Jun Eland Wanawan, Dagupan Panda Fire Station President Mark Alvin Dy, City Health Officer Dra. Julita De Venecia, Nurse Tina Cayabyab, DRRMH Coordinator ng CHO Kevin Carl Ramos, mga barangay captains, SK officials, at iba pang barangay leaders.

Sa huli, muling hinikayat ng alkalde ang mga Dagupeño na makiisa at maging huwaran sa komunidad, dahil ang bawat buhay ay mahalaga at ang ligtas na pagdiriwang ay kolektibong pananagutan ng buong lungsod.

https://www.facebook.com/CIOdagupan/posts/pfbid02fTRsLQYp1b9NF8nWD551xcnA8YGKXT31WVzohPkjnt42di5qPhz9yMEbPDSqvzL4l

Kasiyahan ang handog para sa Dagupan OFW Children Circle (OCC) sa idinaos na Circle of Star: Dagupan OFW Children’s Festival na ginanap sa Dagupan City People’s Astrodome ngayong Lunes, Disyembre 8.

Sa pangunguna ng Pamahalaang Lungsod at Overseas Workers Welfare Administration (OWWA), nais iparamdam ng pamahalaan at ahensya ang pagmamahal ng mga Overseas Filipino Worker (OFW) sa kanilang mga anak sa pamamagitan ng OFW Children’s Circle Activity.

Payo ni Mayor Belen T. Fernandez sa mga bata na laging mahalin ang kanilang mga magulang na pilit itinataguyod ang magandang kinabukasan para sa kanilang pamilya.

Personal na nagpasalamat ang alkalde kay OWWA Region I Director Gerardo Rimorin sa walang sawang pagsuporta sa siyudad, at sa tulong na ibinibigay upang mabigyan ng pantay-pantay na oportunidad ang OFW at kanilang mga pamilya.

Kasama rin sina Vice Mayor Dean Bryan Kua at Konsehal Tala Paras para sa surpresang dala ni Mayor Belen. Dinala ang ‘Apple of My Eye’ program, ang mga mascots, at ipinamahagi sa bawat bata ang Alaska Fruitty Yo! Yoghurt milk drink at Alaska yoghurt drink.

Katuwang ang Public Employment Service Office (PESO), na pinamumunuan ni PESO Manager Joy Siapno, sa pakikipag-ugnayan sa mga ahensya upang maisakatuparan ang programang ito.

https://www.facebook.com/CIOdagupan/posts/pfbid027bNKgdQm2dk5oS9gUSD9VNb8z14DXWzuJhjcnWwoDNE59RJei9XxRqakC4WbwsfNl

https://www.facebook.com/mbtfpage/videos/3983923798566444