Iginawad sa BJMP Dagupan Male Dormitory ang Best City Jail sa 34th BJMP Regional Office Anniversary na ginanap sa Vista La Vita, Vicente Rd., San Fernando City, La Union, sa pamumuno ni JCINSP Lito Lam-Osen, habang ang LGU Dagupan, sa pamamagitan ni Vice Mayor Bryan Kua, ay ginawaran ng Special Award bilang pagkilala sa suporta at pakikipagtulungan nito sa mga programa ng BJMP, noong Martes, September 16.
Ipinahayag ni Mayor Belen Fernandez ang kanyang pasasalamat sa pagkilalang ito at pinuri ang dedikasyon ng BJMP Dagupan.
“Patunay ang pagkilalang ito na sa pagtutulungan ng LGU at BJMP, mas nagiging makabuluhan ang ating serbisyo, lalo na para sa mga nangangailangan ng pagkakataong maituwid ang kanilang buhay,” ani ng alkalde.
Sa pamumuno ng alkalde, nakikipag-ugnayan ang lungsod upang matiyak ang maayos na rehabilitasyon, kaligtasan, at kalusugan ng mga PDLs sa Dagupan.
