We are still currently working on the responsive (mobile and tablet) versions of this website. Please access this website using a desktop or a laptop for the meantime. Thank you!

Being united with a purpose

(Message of Mayor Brian Lim during the flag-raising ceremony on February 24, 2020 at the PNP Grounds)

Magandang umaga po sa ating lahat!
Alam niyo, bukas ipagdiriwang ng buong bayan ang makasaysayang pangyayari sa EDSA noong 1986. I was only seven years old during that time. Kung tutuusin po, wala naman talagang napakalinaw na memorya sa akin sa nangyari noong panahon na iyon.
Ngunit mayroon po akong mga konting alaala. Naalala ko po na dumating po rito sa Dagupan ang partido nina former president Cory Aquino at dito po sa downtown naalala ko, may mga naghagis ng confetti – kulay dilaw at green to symbolize the tandem of President Cory Aquino and Vice President Laurel.
At syempre po sa TV, lahat po ay nakasubaybay doon sa nangyaring pagpaslang kay Senator Ninoy Aquino na siya pong nagsimula ng rebolusyon noong 1986.
Ako po, bilang isang estudyante noon, napakahilig ko po sa subject na History at hindi ko po alam kung bakit tuwing mayroon kaming klase sa History, ako po ay laging nakikinig sa aking mga guro.
Over time, once in a while, nagbabasa po ako ng history books and autobiography ng mga tao dahil I am always fascinated of what they have done and what they have accomplished.
Whether as individuals or as nations, cities or countries, and it is because of the celebration that we have tomorrow, the EDSA Revolution, gusto ko sanang ibahagi sa inyo on how we should appreciate history.
Kung titingnan po natin ang kwento ng EDSA Revolution, kung ikaw ay maka-Marcos o maka-Aquino, you will always have a different perspective of the History. Mayroon at mayroon kang papanigan.
But I think it’s also important na pag tinitingnan po natin ang kasaysayan ng ating bansa, hindi po natin tinitingnan kung sino ‘yong mga indibidwal na naglaban-laban; ang mas importante ay ‘yong aral na makukuha natin sa lahat ng panig, sa lahat ng tao, sa kasaysayan ng buong Pilipinas.
Kung titingnan po natin si President Marcos, wala pong makakapag-deny that during his term as President ay napakarami po niyang nagawa, napakarami po niyang naipatayong gusali, at napakaganda po ang development na kanyang ibinigay sa bansang Pilipinas.
Si President Aquino naman, ipinaalala niya sa atin ‘yong kahalagahan ng pagkakaisa, na kapag tayo po ay nagkakaisa, wala po tayong hindi pwedeng gawin sa ating pagsasama.
But over the years also, we have learned that hindi po dapat naiiwan ang ating damdamin doon lamang sa pagkakaisa. Dahil kung minsan, kung tayo po ay nagkaisa, wala na pong sumusunod na nangyayari – pagkatapos nating magkaisa, kanya-kanya na ulit tayo.
Siguro kung mayroon pong mensahe ang EDSA Revolution na gusto ko pong ibahagi sa inyo, dapat po ang pagkakaisa natin hindi lamang po para tayo ay magkaisa. Ang pagkakaisa po ay pagkakaisa sa pagtulong sa kapwa, pagkakaisa sa pagbibigay kaunlaran sa ating siyudad, pagkakaisang magbigay ng mahuhusay na serbisyo sa mga Dagupeño. Let our unity as a city and its people bring forth more peace and development and progress of the city not only for the sake of being united.
Sa madaling salita, we should be united with a purpose and what is that purpose? The purpose is to make Dagupan a better place. That is the purpose of us of being unified.
Tandaan niyo po, hindi po maaaring magkaisa lang tayo – dapat po magkaisa tayo para sa isang layunin. Magkaisa po tayo sa isang layunin na makapagbibigay ng mas magandang buhay sa bawat Dagupeño.
I believe that is really the message of why we are going to celebrate the EDSA Revolution on the 26th of February every year. Huwag sana po nating kalimutan yan.
If there’s one thing that I would like to leave with all of you, sana lahat po tayo, we will all have a better appreciation of the history of our country and our people. In that way, we can see the future a little better because what we do today is not really for us. What we do today is for the future generations of this country or this city – sa mga anak at mga apo ninyo.
Maraming salamat po!