Umabot sa 862 kabuuang serbisyo ang naihatid sa Women’s Month Celebration ng City Health Office (CHO) nitong Martes, March 3, 2026, sa temang “Bawat Yugto Ganap ang Babae.”
Sa kabuuan, 425 ang nag-register; 147 ang nabigyan ng prenatal check up; 57 high risk women ang na ultrasound; 44 ang sumailalim sa VIA; 42 ang nagpa breast screening; at 147 ang napagsilbihan ng pharmacy.
Kabilang sa mga libreng serbisyo ay mga sumusunod:
- Pre at post natal consultation
- Cervical at breast cancer screening
- Ultrasound para sa high risk women
- Mammogram
- Visual Inspection with Acetic Acid
- Health education
Pinangunahan ang aktibidad nina CHO Chief Dr. Maria Julita P. De Venecia at Dr. Jamaica Caldona, kasama sina Belinda Abulencia RN HEPO II, Dr. Deverly Reyes, Dr. Holly Tandoc Garcia, Dr. Betha Fe Castillo, Dr. Mary Christine Yuchongtian-Paragas, Dr. Dianne Manzano, Dr. Jayme Salayog-Lacasandile, at Dr. Michelle Paa-Manzano, Nurse V Tina Cayabyab, katuwang ang buong CHO team at iba pang mga partners at volunteers ng lungsod.
“Patuloy nating inuuna ang kalusugan ng kababaihan sa pamamagitan ng konkretong at libreng serbisyong medikal na tunay na nakakatulong sa kanilang buhay at kinabukasan,” ani Mayor Belen T. Fernandez.
“Sa Dagupan, tuloy-tuloy ang konkretong suporta para sa kababaihan. Bawat yugto, ganap ang babae,” dagdag ng alkalde.
